ນັກວິໄຈພົບຊ່ອງໂຫວ່ລະດັບ Protocol ໃນ 4G LTE ນຳໄປສູ່ການໂຈມຕີໄດ້ອີກ 19 ຮູບແບບ

ກຸ່ມ​ນັກ​ວິໄ​ຈ​ຈາກ​ມະຫາ​ວິທະຍາໄ​ລ​ ໃນ​ສະ​ຫະລັດ​ອະ​ເມ​ລິ​ກາ ​ໄດ້​ອອກ​ມາ​ເປີດ​ເຜີຍ​ເຖິງ​ການ​ຄົ້ນ​ພົບ​ຊ່ອງ​ໂຫວ່ໃນ 4G LTE Protocol ທີ່​ເຮັດໃຫ້​ຜູ້​ໂຈມ​ຕີ​ສາມາດ​ສ້າງ​ຂໍ້ຄວາມ​ປອມ​​, ດັກ​​ຂໍ້​ມູນ​ຂອງ​ຜູ້​ໃຊ້​ງານ​, ເຮັດໃຫ້​ແບດ​ເຕີ​ຣີ່ (Battery) ຂອງ​ຜູ້​ໃຊ້​ງານ​ໝົດ​​ຢ່າງ​ວ່ອງໄວ​ ລວມໄປ​ເຖິງ​ການ​ເຊື່ອມ​ຕໍ່​ເຂົ້າ​ກັບ​ເຄືອ​ຂ່າຍ​ 4G LTE ໂດຍ​ສາມາດ​ປອມ​ຕົວ​ເປັນ​ຜູ້​ໃຊ້​ງານ​ຄົນ​ອື່ນ​ໆ​ໄດ້​.
ຊ່ອງ​ໂຫວ່​ນີ້​ ຖື​ວ່າ​ໜ້າສົ​ນ​ໃຈ​ຫຼາຍ ເນື່ອງຈາກ​ຈະ​ກະທົບ​ກັບ​ 4G LTE ທີ່​ມີ​ການ​ໃຊ້​ງານ​​ຢ່າງ​ແຜ່​ຫຼາຍ​ທົ່ວ​ໂລກ​ແລ້ວ​ 5G ເອງ​ກໍ​ອາດ​ຈະໄດ້ຮັບ​ຜົນ​ກະທົບ​​ເຊັ່ນ​ກັນ​ ເພາະ​ບັນຫາ​ນີ້​ເກີດ​ຂຶ້ນ​ທີ່​ລະ​ດັບ​ Protocol ຂອງ​ LTE 3 ສ່ວນ​ ໄດ້​ແກ່​ Attach, Detach ແລະ​ Paging​ ຊຶ່ງ​ການ​ແກ້​ໄຂ​ບັນຫາ​ເຫຼົ່າ​ນີ້​ທີ່​ Protocol ໂດຍ​ກົງ​ ກໍ່ຈະ​ສົ່ງ​ຜົນ​ຕໍ່​ Backward Compatibility ຂອງ​ລະບົບ​ທີ່​ຈະ​ຫຼຸດລົງ​.

ຊ່ອງ​ໂຫວ່​ເຫຼົ່າ​ນີ້​ເຮັດໃຫ້​ທີມ​ນັກ​ວິໄ​ຈ​ ສາມາດ​ນຳ​ໄປ​ປັບໃຊ້ ທີ່​ເກີດ​ເປັນ​ການ​ໂຈມ​ຕີ​ຮູບ​ແບບ​ໃໝ່​ໄດ້​ຫຼາຍກວ່າ 10 ຮູບ​ແບບ​ ແລະ ​ໃຊ້ການ​ໂຈມ​ຕີ​ດ້ວຍ​ວິທີ​ການ​ແບບ​ເກົ່າ​ທີ່​ເປັນ​ທີ່​ຮູ້​ຈັກ​ຢູ່​ແລ້ວ​ 09 ຮູບ​ແບບ​ ໂດຍ​ການນຳ​ໃຊ້​ເຄື່ອງ​ມື​ຊື່​ LTEInspector ທີ່​ທີມ​ວິ​ໄຈ​ໄດ້​​ພັດທະນາ​ຂຶ້ນ​ມາ​ ເພື່ອ​ວິ​ເຄາະ​ຂໍ້​ມູນ​ຂອງຜູ້​ໃຊ້​ງານ ​ແລະ ​ສັງລວມບັນດາ​ຂໍ້​ມູນ​ທີ່​ຈຳ​ເປັນ​ຕໍ່​ການ​ນຳ​ໄປ​ໃຊ້​ໃນການໂຈມ​ຕີຢ່າງ​ຕໍ່​ເນື່ອງ​ໃນ​ພາຍ​ຫຼັງ​.

ເອກະສານອ້າງອີງ:

  1. https://www.laocert.gov.la
  2. https://www.theregister.co.uk
  3. https://www.techtalkthai.com

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.